Skymet weather

[Marathi] येत्या ४८ तासांत मुंबईत विजांच्या गडगडाटासह तुरळक ते तीव्र पावसाच्या सरींची शक्यता

October 10, 2019 12:11 PM |

Mumbai weather

दसऱ्याच्या संध्याकाळी मुंबईत मुसळधार पाऊस पडल्याची नोंद झाली. त्यामुळे शहरातील अनेक भागांत व उपनगरामध्ये सखल भागात पाणी साचून वाहतूक कोंडी झाली. मात्र, गेल्या २४ तासांत मुंबईत पावसाचा जोर कमी झाला असून शहर व आसपासच्या भागात केवळ हलक्या सरींची नोंद झाली.

स्कायमेटच्या हवामानशास्त्रज्ञांच्या अनुसार, पुढील ४८ तासांत शहरात काही तीव्र सरींसह तुरळक पावसाची शक्यता आहे. याकाळात अनेक ठिकाणी मेघगर्जनेसह पावसाची शक्यता आहे. तथापि, अति मुसळधार पाऊस परतण्याची शक्यता नाही.

दरम्यान मध्य महाराष्ट्रावर असलेले चक्रवाती परिभ्रमण आता कोकण किनारपट्टीला लागून असलेल्या पूर्व अरबी समुद्राकडे सरकले आहे त्याच्या प्रभावामुळे ह्या पावसाची शक्यता आहे. तसेच, कमी दाबाचा पट्टा कर्नाटक किनारपट्टीपर्यंत विस्तारला आहे.

ही प्रणाली आणखी काही काळ टिकून राहण्याची शक्यता असल्याने मुंबई व उपनगरामध्ये काही मुसळधार सरी पडण्याची शक्यता आहे, तथापि, हा पाऊस लागून राहणार नसून तुरळक ठिकाणी आणि बहुतांशी स्थानिक स्वरूपाचा असेल.

शिवाय, शहरातील सर्वच भागात एकाच वेळी पाऊस पडण्याची शक्यता नाही. दरम्यान एकीकडे शहराच्या काही भागात पावसाच्या तीव्र गतिविधी दिसून येतील आणि दुसरीकडे मात्र हवामान कोरडे राहील.

साधारणत: जेव्हा मान्सून परतीच्या अवस्थेत असतो, तेव्हा देशाच्या बर्‍याच भागात पावसाळी गतिविधी वाढतात आणि सध्या हीच परिस्थिती आहे. मान्सूनपूर्व हंगामातही अशीच परिस्थिती दिसून येते ज्यात ढगांचा वाढ होऊन काही चांगल्या सरी होतात.

Image Credits – Bel-India 

Any information taken from here should be credited to Skymet Weather







For accurate weather forecast and updates, download Skymet Weather (Android App | iOS App) App.

Weather Forecast

Other Latest Stories






latest news

Skymet weather

Download the Skymet App

Our app is available for download so give it a try

×