रविवारी सकाळी साडेआठ वाजेपासून गेल्या २४ तासांत सोलापुरात ११८ मिमी इतका जोरदार पाऊस पडला. दरम्यान, अकोला येथे ४५ मिमी जोरदार सरी बरसल्या. औरंगाबादमध्येही त्याच काळात चांगला पाऊस पडला.
स्कायमेटच्या हवामानशास्त्रज्ञांनी पुढील ४८ ते ७२ तासांत विदर्भ, मराठवाडा आणि मध्य महाराष्ट्रात आणखी चांगला पाऊस पडेल असा अंदाज वर्तविला आहे. काही काळानंतर कोकण आणि गोव्यातही पाऊस वाढेल.
२६ सप्टेंबर रोजी मुंबईसह कोकण आणि गोव्यात चांगला पाऊस पडण्याची शक्यता आहे. यावेळी मुंबईत मध्यम सरी बरसतील आणि त्यामुळे काही सखल भागात पाणी साचू शकेल.
नाशिक, पुणे, मालेगाव इत्यादी येथे २५ आणि २६ सप्टेंबर रोजी चांगला पाऊस पडेल.
एकूणच आम्ही असे म्हणू शकतो की पुढील दोन ते तीन दिवस संपूर्ण राज्यात चांगला पाऊस सुरू राहील आणि मराठवड्यात पावसाची कमतरता कमी होईल.
हा मान्सूनचा हंगाम महाराष्ट्रासाठी आत्तापार्येंत चांगला ठरला आहे. इतका कि मध्य महाराष्ट्र आणि कोकण आणि गोवा हवामान विभागात पाऊस अधिशेष आहे. खास, सांगली आणि सातारा यासारख्या मध्य महाराष्ट्रातील दक्षिणेकडील जिल्ह्यांमध्ये अलीकडील काळात अतिवृष्टी झाली आहे. त्याचप्रमाणे मुंबई शहराने पावसाळ्याच्या हंगामाच्या सुरूवातीपासूनच आतापर्यंत ६ ते ७ वेळा पुराचा पाऊस पहिला आहे.
Image Credits – Maharashtra today
Any information taken from here should be credited to Skymet Weather
